|
|
|
|
គ្រូប្រដាល់ដែលមហាជនតែងតែហៅថា ក្រុមគ្រូ IQ គឺលោក សេន ប៊ុនថេន បានវិភាគការប៉ះគ្នារវាងជើងខ្លាំង ពេជ្រ សម្បត្តិ និង រិន ដេវីត ថាគូនេះប្រកួតមិនចប់ទឹកនោះទេ ព្រោះសុទ្ធតែអ្នកល្អ និងមានផ្លែផ្ដួលដៃគូដូចគ្នាឲ្យតែភ្លាត់ដឹងតែសន្លប់ហើយ។
លោក សេន ប៊ុនថេន បានលើកឡើងថា តាមការគិតរបស់លោកគឺប្រកួតមិនចប់ទឹកនោះឡើយរវាង ពេជ្រ សម្បត្តិ និង រិន ដេវីត ព្រោះសុទ្ធតែជាកីឡាករល្អដូចគ្នា ម្នាក់តាន់ល្អ និងម្នាក់ទៀតអាវុធចេញបានគ្រប់ស្នៀត។ យ៉ាងណាចំពោះភាគរយវិញលោក សេន ប៊ុនថេន ផ្ដល់ទៅ សម្បត្តិ 60% រិន ដេវីត 40% ព្រោះយល់ឃើញថាកូនសិស្សលោក ពេជ្រ សុផាន់ រឹង និងធន់ជាង។
អតីតអ្នកប្រដាល់ល្បីឈ្មោះរូបនេះបញ្ជាក់ទៀតថា នេះគ្រាន់តែជាការវិភាគផ្ទាល់ខ្លួនរបស់លោកនោះទេចំពោះជំនួបជើងខ្លាំងពីរ។ លោក សេន ប៊ុនថេន ក្រើនរំលឹកដែរថា ភាគរយបានច្រើនទៅលើ សម្បត្តិ មែនតែបើភ្លាត់អាចសន្លប់របស់ រិន ដេវីត ដូចគ្នាជាក់ស្ដែងមើលកីឡាករ ធន់ អៀងឡៃ ជាជើងខ្លាំង និងធន់មួយរូបដែរក៏ធ្លាប់សន្លប់ធំរួចមកហើយ។
បញ្ជាក់ដែរថា កីឡាករកំពុងល្បីឈ្មោះខ្លាំងលើប្រភេទទម្ងន់ 60គីឡូក្រាម ពេជ្រ សម្បត្តិ នឹងត្រូវប្រកួតដណ្ដើមខ្សែក្រវាត់របស់សង្វៀនហង្សមាសជាមួយកីឡាករ រិន ដេវីត នៅថ្ងៃទី14 ខែកញ្ញា ឆ្នាំ2024។ ជំនួបរវាងអ្នកទាំងពីរនេះបានធ្វើឲ្យមហាជនអ្នកស្រឡាញ់ចូលចិត្តវិស័យប្រដាល់គុនខ្មែរតាមដាន និងចង់ទស្សនាជាខ្លាំងដោយសារតែម្នាក់ៗមានស្នៀតល្អៗ និងចំណុចពិសេសរៀងៗខ្លួនហើយមួយវិញទៀតចង់រកឲ្យឃើញកីឡាករខ្លាំងបំផុតលើប្រភេទទម្ងន់ 60គីឡូក្រាមនេះ។
នៅពេលសំឡេងកញ្ចែបញ្ចប់ការប្រកួតនៃលទ្ធផលស្មើ PSG 1-1 ទល់នឹង Lorient លោក Luis Enrique បានផ្តល់ដំណឹងដ៏គួរឱ្យព្រួយបារម្ភអំពី Desire Doue ដែលត្រូវបានបង្ខំឱ្យចាកចេញដោយសាររបួសទល់នឹង Les Merlus។...
យោងតាមអ្នកយកព័ត៌មាន Sacha Tavolieri ខ្សែប្រយុទ្ធ Gabriel Jesus របស់ក្លឹប Arsenal ទំនងជានឹងស្នាក់នៅក្លឹបនៅខែមករា បើទោះបីជាមានពាក្យចចាមអារ៉ាមថាគាត់នឹងវិលត្រឡប់ទៅប្រទេសប្រេស៊ីលវិញក៏ដោយ។...
សម្រាប់ការប្រកួតនេះយើងនៅតែបន្តប្រកួតប្រជែង ដើម្បីប្រជែងតំណែងទៅលេងវគ្គបន្ទាប់ និងទទួលបានលេខ 1 ក្នុងពូល ហើយសម្រាប់ក្រុមទាំង 2 សុទ្ធតែមានឪកាសក្នុងការឡើងទៅវគ្គបន្ត។...
ខ្ញុំគិតថាពួកយើងលេងបានល្អណាស់ Ethan Nwaneri បានប្រាប់គេហទំព័រផ្លូវការរបស់ Arsenal បន្ទាប់ពីក្រុមកាំភ្លើងធំឈ្នះ Brighton 2-0 ក្នុងជុំទីបួននៃពានរង្វាន់ Carabao Cup។...
Niklas Süle ត្រៀមចាកចេញពី Borussia Dortmund ដោយទាំងអាយុ និងទម្រង់លេងមិនស្ថិតស្ថេរត្រូវបានលើកឡើងថាជាកត្តាសំខាន់ៗនៅពីក្រោយការសម្រេចចិត្តនេះ។...
សេវាអតិថិជន